მიუნხენის “ბაიერნის” მთავარი მწვრთვნელი, ხოსეპ გვარდიოლა მიიჩნევს, რომ მის გუნდს მეტი შემტევი აღარ ჭირდება. ამის შესახებ, ესპანელი სპეციალისტი Goal.com-ის ჟურნალისტებს გაესაუბრა. 

გვარდიოლას თქმით, მას გუნდში რვა შემტევი ყავს. შესაბამისად, ინფორმაცია, რომლის თანახმადაც მიუნხენის “ბაიერნი” მარკო როისის შეძენითაა დაინტერესებული, სიმართლეს არ შეესაბამება.
“ჩვენ რვა შემტევი გვყავს. ახალი მოთამაშეები არ მჭირდება და კმაყოფილი ვარ, არსებული შემადგენლობით”. - განაცხადა 43 წლის სპეციალისტმა დღეს გამართულ პრესკონფერენციაზე.
მარკო როისთან დაკავშირებული სატრანსფერო ჭორები მას შემდგომ გახდა აქტუალური, რაც მან “დორტმუნდთან“ ახალი კონტრაქტის გაფორმებაზე თავი შეიკავა. “ბაიერნის” გარდა,
როისის სახელს “ბარსელონას“, “ატლეტიკოსა” და “ლივერპულს” უკავშირებენ.

ირაკლი ალიმბარაშვილი