ესპანეთის ქალაქ ლინარესში დასრულდა ქალთა საერთაშორისო წრიული ტურნირი, რომელშიც ქართული ჭადრაკის ღირსებას სოფიკო გურამიშვილი (2431) იცავდა.

გურამიშვილს ათ მონაწილეს შორის საუკეთესო რეიტინგი ჰქონდა და შეჯიბრი მარცხის გარეშე განვლო. ქართველმა მოჭადრაკემ 5 პარტია მოიგო, 4 კი ფრედ დაასრულა და რუსი ანასტასია სავინას (2390) დარად, 7.0 ქულა მოაგროვა.

დამატებითი მაჩვენებლები უკეთესი სწორედ სავინას აღმოაჩნდა და მთავარი პრიზიც მას ერგო, გურამიშვილი კი მე-2 პოზიციას დასჯერდა. ანა მათნაძემ (2384), რომელიც კარგა ხანია ესპანეთის სახელით თამაშობს, 4.5 ქულა მოაგროვა და მე-7 გახლდათ.