მახაჩყალის “ანჟის” მთავარი მწვრთნელის სერგეი ტაშუევის განცხადებით, მცველები გია გრიგალავა და ბენუა ანგბვა ტრანსფერზე არიან დაყენებული.
“პირველ დივიზიონში ლეგიონერებზე სერიოზული ლიმიტია დაწესებული. ჩვენ ახლა შემტევ ფეხბურთელებს ვეძებთ – უცხოელებს. ანგბვას და გრიგალავას ძალიან მაღალი სტანდარტები აქვთ. ჩვენ მათ სიამოვნებით გავუშვებდით. ისინი ხელფასის შემცირებას არ თანხმდებიან. ვარჯიშობენ და ახალ კლუბებს ეძებენ. ჩათვალეთ, რომ ისინი ტრანსფერზე არიან დაყენებული” – იუწყება ტაშუევის სიტყვებს “ანჟის” ოფიციალური ვებგვერდი.
შეგახსენებთ, რომ 24 ივლისს გრიგალავა და ანგბვა “ანჟის” ხელმძღვანელობამ დუბლშემადგენლობაში გადაიყვანა.
