საქართველოს ეროვნული საფეხბურთო ნაკრების ნახევარმცველმა შოთა გრიგალაშვილმა ტრავმა მოირჩინა და კვიპროსის “ანორთოსისის” შემადგენლობაში ითამაშა.

სეზონისწინა მოსამზადებელ პერიოდში “ანორთოსისმა” ამხანაგურ მატჩში თანაკუნძულელ “დოქსას” 1:0 აჯობა და გრიგალაშვილი მოედანზე 74-ე წუთზე შეცვლაზე შევიდა.

27 წლის გრიგალაშვილი “ანორთოსისში” მიმდინარე ზაფხულს გადავიდა, მაგრამ ტრავმის გამო, ევროპის ლიგის მე-2 საკვალიფიკაციო ეტაპზე შვედურ “გეფლესთან” ორივე მატჩი გამოტოვა. შეგახსენებთ, რომ კვრიპროსელებმა შვედებს შინ 3:0 მოუგეს, სტუმრად 0:4 წააგეს და გათამაშებას გამოეთიშნენ.