საფრანგეთის ეროვნული ნაკრების და ლიონის "ოლიმპიკის" ნახევარმცველმა კლემენ გრენიემ განაცხადა, რომ "ნიუკასლში" გადასვლა შეეძლო, თუმცა საბოლოოდ უარი განაცხადა.
"ჯერ კიდევ იანვარში "ნიუკასლი ცდილობდა ჩემი ტრანსფერი განეხორციელებინა, თუმცა საბოლოოდ, ინგლისელებს უარი განვუცხადე. ახლა მხოლოდ ბოლომდე გამოჯანმრთელებაზე ვფიქრობ. "ლიონი" მიყვარს და მხოლოდ 23 წლის ვარ. არ ვიცი "ოლიმპიკს" დავტოვებ თუ არა. ახლა მინდა ფორმაში შევიდე, რათა სეზონის დარჩენილი ნაწილში კარგად ვიასპარეზო", - განაცხადა ფრანგმა ფეხბურთელმა.
კლემენ გრენიემ ბრაზილიაში გამართული მსოფლიო ჩემპიონატი საზარდული ტრავმის გამო გამოტოვა. მიმდინარე სეზონში მან მხოლოდ ევროპის ლიგაზე იასპარეზა, თუმცა ტრავმამ თავი კვლავ შეახსენა და ფრანგის დაბრუნება ოქტომბრის თვეში იგეგმება.
გიორგი ბალახაძე
