ფრანგული “ლიონის” ახალგაზრდა ნახევარმცველი კლემენ გრენიე აცხადებს, რომ ის გუნდის მიმდინარე სატრანსფერო ფანჯრის დროს გამოცვლას არ გეგმავს.

“ჩემი სიტყვები არასწორად გაიგეს. მე ვთქვი, რომ არა მგონია კარიერა “ლიონში” დავასრულო. ეს არ ნიშნავს, რომ უახლოეს მომავალში გუნდის გამოცვლას ვაპირებ.

დანამდვილებით შემიძლია ვთქვა, რომ მიმდინარე სეზონის ბოლომდე “ლიონში” ვრჩები. დრო გვიჩვენებს, რა მოხდება მომავალში.” – ციტირებს გრენიეს სიტყვებს Le Parisien-ი.

გავრცელებული ინფორმაციით, 22 წლის ფრანგი ფეხბურთელის შეძენით ლონდონის “არსენალია” დაინტერესებული.