საქართველოს ძიუდოისტთა ნაკრების მთავარმა მწვრთნელმა ირაკლი უზნაძემ 21-23 მარტს თბილისის სპორტის სასახლეში გასამართ გრან პრიზე დასაყენებელი შემადგენლობა დაასახელა. ტრადიციულად ტურნირის მასპინძელ ქვეყანას განაცხადში თითოეულ წონით კატეგორიაში ოთხი სპორტსმენის შეყვანის უფლება აქვს და ცხადია საქართველოს ნაკრების თავკაცმა ეს ქვოტა მაქსიმალურად გამოიყენა. უზნაძემ 29-კაციანი სია ჩამოწერა, რომელსაც უახლოეს დღეებში ერთით შეამცირებს. სპეციალისტი არჩევანს 100 კილოგრამ წონით კატეგორიაში გიორგი ნოზაძესა და რევაზ ჩიკოიძეს შორის გააკეთებს.

მოლოდინისამებრ, ქართული გუნდი უძლიერესი შემადგენლობით გავა სპორტის სასახლის ტატამზე. გამორჩეულად საინტერესო კი ალბათ 73 კილოგრამია, სადაც ნაკრების გამოცდილ წევრებთან, ევროპირველობის პრიზიორებთან ნუგზარ ტატალაშვილთან და ზებედა რეხვიაშვილთან ერთად ლაშა შავდათუაშვილიც მოირგებს კიმონოს. ლონდონის ოლიმპიური თამაშების ჩემპიონი (66 კგ) სწორედ ამ წონაში დასამკვიდრებლად იბრძვის და თითოეულ ტურნირზე აღებულ სარეიტინგო ქულებს მისთვის ოქროს ფასი აქვს.

თბილისის გრან პრის პირველ დღეს – 21 მარტს მედლები 60 და 66 კილოგრამებში გათამაშდება. 22 მარტს – 73 და 81 კილოგრამებში, ხოლო 23 მარტს – 90, 100 და +100 კილოგრამებში.

გრან პრის საპრიზო ფონდი 100 ათასი დოლარია.

საქართველოს ნაკრები

60კგ

ამირან პაპინაშვილი

ლუხუმ ჩხვიმიანი

გიორგი ბროლაშვილი

პაატა მერებაშვილი

66კგ

შალვა ქარდავა

ტრისტან ფეიქრიშვილი

გიორგი ქალდანი

გელა კელიხაშვილი

73კგ

ნუგზარ ტატალაშვილი

ზებედა რეხვიაშვილი

ლაშა შავდათუაშვილი

ფრიდონ გიგანი

81კგ

ავთანდილ ჭრიკიშვილი

უშანგი მარგიანი

გიორგი პაპუნაშვილი

ლაშა ზურაბიანი

90კგ

ვარლამ ლიპარტელიანი

ზვიად გოგოჭური

პაატა ღვინიაშვილი

ბექა ღვინიაშვილი

100კგ

გურამ თუშიშვილი

ალექსანდრე მსხალაძე

ნოდარ მეტრეველი

გიორგი ნოზაძე ან რევაზ ჩიკოიძე

+100კგ

ადამ ოქრუაშვილი

ლევან მატიაშვილი

როსტომ ხახალეიშვილი

ონისე ბუღაძე