ქართველმა ჩოგბურთელმა ეკატერინე გორგოძემ, რომელიც თურქეთის ქალაქ ანტალიაში მიმდინარე 10-ათასიან ტურნირზე მე-2 ნომრადაა განთესილი, დღის განმავლობაში ერთბაშად 2 გამარჯვება იზეიმა და მეოთხედფინალში გასვლა შესძლო.

გორგოძემ კვალიფიკაციის ერთ-ერთი გამარჯვებული გულნაზ დოკი 6:0, 6:3 დაამარცხა, შემდეგ კი ძირითად ბადეში “იღბლიანი წაგებულის” სტატუსით მოასპარეზე ბოსნია-ჰერცეგოვინას წარმომადგენელ მელისა სეჰოვიჩს 6:1, 6:1 მოუგო.

მეოთხედფინალში ეკატერინე მე-7 განთესვის მქონე უნგრელ ვანდა ლუკაჩს ეთამაშება, რომელმაც გზიდან რუმინელი კრისტინა ადამესკუ ჩამოიცილა.

წყვილთა ტურნირში გორგოძე და სოფო ქვაცაბაია (მე-4 განთესვა) ასევე მეოთხედფინალში არიან გასულნი, სადაც ხსენებულ ლუკაჩს და რუმინელ ილინკა ბერკარუს გაეჯიბრებიან.