ურუგვაის ფეხბურთელთა ეროვნული ნაკრების მცველმა დიეგო გოდინმა, მსოფლიოს ჩემპიონატის D ჯგუფი შეაფასა, სადაც მისი გუნდი ითამაშებს.
“ჯგუფში ძალიან ძლიერი მეტოქეები შეგვხვდნენ. ინგლისელები ბევრს არ საუბრობენ, მაგრამ ძალიან ძლიერი კოლექტივი ჰყავთ, რომლის მოთამაშეებს საუკეთესო პერიოდი აქვთ. ისინი მაღალ დონეზე არიან და დაპირისპირება იოლი არ იქნება.
იტალიელები ბოლო მსოფლიოს ჩემპიონატებზე ყოველთვის ფავორიტთა რიცხვში იყვნენ და მათ კონფედერაციათა თასზე დავუპირისპირდით.
კოსტა რიკასთან მსოფლიოს ჩემპიონატზე სადებიუტო მატჩს ჩავატარებთ და პირველი თამაში ყოველთვის რთულია” – აღნიშნა ურუგვაელმა ფეხბურთელმა.
