ინგლისური “ლივერპულის” მარჯვენა მცველი გლენ ჯონსონი უარყოფს პრესაში გავრცელებულ ინფორმაციას, თითქოს მერსისაიდელებმა მას 2015 წლამდე მოქმედი კონტრაქტის გაგრძელება შესთავაზეს.

“ლივერპულში” 5 წელი გავატარე. რა თქმა უნდა, დარჩენა მინდა, მაგრამ კლუბს ახალი კონტრაქტი არ შემოუთავაზებია.

სიმართლე გითხრათ, არ ვიცი, კლუბის წარმომადგენლები ჩემზე იმედებს ამყარებენ თუ არა. ისღა დამრჩენია, კონტრაქტი ვადის ამოწურვამდე შევასრულო.” – ციტირებს ჯონსონის სიტყვებს ESPN.

გლენ ჯონსონი “ლივერპულში” 2009 წლიდან თამაშობს. პრემიერლიგის მიმდინარე გათამაშებაში, 28 მატჩიდან, მან 19-ში ითამაშა. 29 წლის ფეხბურთელი ყველა მათგანში ძირითად შემადგენლობაში იყო.