86 წლის ასაკში ინგლისური “მანჩესტერ იუნაიტედის” მფლობელი მალკოლმ გლეიზერი გარდაიცვალა. ცნობისთვის, ამერიკელ ბიზნესმენს დაბადების დღე 25 მაისს ჰქონდა.

გლეიზერი 1995 წლიდან მოყოლებული ფლობდა ნაციონალური საფეხბურთო ლიგის წევრ “ტამპა ბეის”, 2005 წელს კი “მანჩესტერ იუნაიტედიც” შეიძინა. აღნიშნულის შემდეგ, ინგლისურმა კლუბმა პრემიერლიგა ხუთჯერ მოიგო, ერთხელ კი ჩემპიონთა ლიგაშიც იმარჯვა.

აღსანიშნავია, რომ გლეიზერმა საოჯახო ბიზნესი ჯერ კიდევ 15 წლის ასაკში ჩაიბარა, 2013 წლის მარტის მონაცემებით კი, მისი ქონება 4.5 მილიარდ დოლარს შეადგენდა.