როგორც ჩანს, გერმანული “გლადბახის” ახალგაზრდა მეკარე მარკ-ანდრე ტერ შტეგენი უახლოეს პერიოდში გუნდს დატოვებს.

უკვე გავრცელდა ინფორმაცია, რომ 21 წლის კარის დარაჯის სანაცვლოდ კატალონიური “ბარსელონა” 10 მილიონ ევროს იხდის, თუმცა, Bild-ის ცნობით, გლადბახელები მის სანაცვლოდ არანაკლებ 12 მილიონ ევროს მიიღებენ.

კატალონიელთა გარდა შტეგენის გარშემო განვითარებულ მოვლენებს ყურადღებით აკვირდება იტალიური “მილანი”, თუმცა სატრანსფერო მოლაპარაკებებში აქტიურად ჩარევას არ ჩქარობს.