გერმანული “დორტმუნდის” ნახევარმცველის, ილქაი გიუნდოგანის მამა უარყოფს გავრცელებულ ინფორმაციას, თითქოს მისი შვილის “რეალში” გადასვლა უკვე გადაწყვეტილია. თუმცა, ის მოვლენების ამგვარ განვითარებას კატეგორიულადაც არ გამორიცხავს.
“გიუნდოგანსა და “რეალს” შორის შეთანხმება, ამ ეტაპზე, არ არსებობს.
“დორტმუნდთან”, ახალ კონტრაქტთან დაკავშირებით, მოლაპარაკებები ახლახანს დავიწყეთ. როგორც ჩანს, ახალი ხელშეკრულების გაფორმება სავსებით შესაძლებელია.” – აცხადებს ილქაი გიუნდოგანის მამა.
გიუნდოგანს “დორტმუნდთან” კონტრაქტი 2015 წლის ზაფხულამდე აკავშირებს. გავრცელებული ინფორმაციით, 23 წლის ფეხბურთელის ხელში ჩაგდებას, “რეალის” გარდა, “ბარსელონაც” ცდილობს.
