ჯერ კიდევ “დორტმუნდის” ფეხბურთელის, მარიო გიოტცეს მკურნალობის პროცესი გეგმის მიხედვით მიმდინარეობს, რაც იმას ნიშნავს, რომ 20 წლის შემტევი ნახევარმცველი ჩემპიონთა ლიგის ფინალში, თავისი მომავალი გუნდის, მიუნხენის “ბაიერნის” წინააღმდეგ თამაშს მოახერხებს.
“ამჟამინდელი მდგომარეობის გათვალისწინებით, გიოტცე ჩემპიონთა ლიგის ფინალში სათამაშოდ მზად იქნება. მისი რეაბილიტაციის პროცესი გეგმის მიხედვით მიმდინარეობს. მიმდინარე კვირაში, მარო ინდივიდუალურად ივარჯიშებს, ხოლო მომდევნო კვირის დასაწყისში გუნდს შეუერთდება.” – აცხადებს “დორტმუნდის” მთავარი მწვრთნელი იურგენ კლოპი.
შეგახსენებთ, რომ “ბაიერნი” და “დორტმუნდი” ერთმანეთს 25 მაისს დაუპირისპირდებიან.
