მიუნხენის “ბაიერნის” ნახევარმცველმა მარიო გიოტცემ განაცხადა, რომ ოპტიმალური ფორმისგან ჯერ კიდევ შორსაა. მიუნხენელთა ახალწვეულმა ტრავმა მოიშუშა, მაგრამ მოედანზე 90 წუთის გასატარებლად მზად არაა.

“ცხადია, რომ 100%-ით მზად არ ვარ, მაგრამ ფორმის აღდგენა მხოლოდ დროის საკითხია. სათამაშო დრო მჭირდება და ვფიქრობ, ამას უახლოეს კვირაში მივიღებ. დანარჩენი თავისთავად უნდა მოხდეს. მიხარია, რომ ხანგრძლივი პაუზის შემდეგ, ეროვნულ ნაკრებშიც ვითამაშე. უკანასკნელი 5 თვის განმავლობაში, რეგულარულად თამაშის საშუალება არ მქონდა და დაბრუნებამ ძალიან გამახარა”, - უთხრა გერმანელმა “ბაიერნის” ოფიციალურ საიტს.

შეგახსენებთ, რომ გიოტცე “ბაიერნს” გასული სეზონის დასრულების შემდეგ შეუერთდა, მაგრამ ტრავმების გამო, თავის სრულად გამოჩენის საშუალება, ჯერჯერობით, არ მიეცა.