იტალიურმა “ვერონამ” ოფიციალურად დაადასტურა გიორგი ჭანტურიას შეძენის ამბავი. მართალია, ეს საკითხი დიდი ხნის გადაწყვეტილი იყო, მაგრამ დღეს ოფიციალურად გამოცხადდა, რომ 21 წლის ქართველი “ვერონას” ფეხბურთელი გახდა. გიორგის ყოფილმა კლუბმა, რუმინულმა “კლუჟმა” ვერონელთაგან 1 000 000 ევრო მიიღო.
“საბოლოო შეთანხმება მიღწეულია. ჭანტურიას დიდ მადლობას ვუხდით “კლუჟში” თამაშისთვის და წარმატებას ვუსურვებთ “ვერონაში” - წერს რუმინული კლუბის საიტი.
ჭანტურია ტრავმას იშუშებს, რომელიც რუმინეთის ჩემპიონატის მატჩში მიიღო. გიორგი, სავარაუდოდ, ივლისში დაიწყებს ვარჯიშს.
ამ ეტაპზე იტალიის სერია A-ში სამი ქართველი ფეხბურთელია: ჭანტურია, ლევან მჭედლიძე და ირაკლი შეყილაძე.
