ევროპის 2016 წლის ჩემპიონატის შესარჩევ ციკლში საქართველოს ნაკრების მეტოქემ გიბრალტარმა საერთაშორისო არენაზე მეორე თამაში ჩაატარა. პირინეის ნახევარკუნძულელებმა, რომლებიც უეფას სრულუფლებიანი წევრები თვეების წინ გახდნენ, გუშინ ამხანაგურ შეხვედრაში ფარერის კუნძულების ნაკრებს უმასპინძლეს და მხოლოდ ის მოახერხეს, რომ ისტორიული გოლი გაიტანეს – ალენ ბულას გუნდი 21-ე წუთზე კაპიტან ჯოზეფ ჩიპოლინის გოლით დაწინაურდა, მაგრამ საბოლოოდ 1:4 დამარცხდა.

შეგახსენებთ, პირველი თამაში გიბრალტარერებმა 2013 წლის ნოემბერში სლოვაკეთთან გამართეს და მეტოქეს უგოლოდ დაშორდნენ.