ევრო-2016-ის შესარჩევში საქართველოს ნაკრების მეტოქემ, ალენ ბულას გაწვრთნილმა გიბრალტარმა ესტონეთთან გასვლაზე 1:1 ითამაშა. ტალინში გამართულ ამხანაგურ მატჩში მასპინძლები 31-ე წუთზე დაწინაურდნენ რაგნარ კლავანის გოლით, თუმცა გიბრალტარელმა ჯეიკ გოსლინგმა 72-ეზე გაათანაბრა.
მოულოდნელი შედეგია თუ გავითვალისწინებთ, რომ გიბრალტარმა მარტში ფარერებთან 1:4 წააგო, ხოლო იმავე ესტონეთთან 0:2 დამარცხდა. ალენ ბულას გუნდში ინგლისელი ფეხბურთელები სჭარბობენ.
გიბრალტარი 4 ივნისს პორტუგალიის ქალაქ ალგარვიში მალტას ეთამაშება.