მიუნხენში, “ალიანც არენაზე,” გერმანიის ნაკრების ფეხბურთელებმა ახალი დიზაინის სათამაშო ფორმა წარადგინეს, რომლითაც ისინი 2014 წელს ბრაზილიის მსოფლიო ჩემპიონატზე იასპარეზებენ.
adidas-მა ბოლოდროინდელი ტრადიცია შეცვალა და მაისურებს წინ გერმანიის დროშის ფერებში გადაწყვეტილი ნახატი დაურთო. მასში მუქი წითელი ჭარბობს, შავი და ყვითელი კი ზევით და ქვევით წვრილ ზოლებად გასდევს.
ბუნდესნაკრები ახალი ფორმით მაყურებლის წინაშე უახლოეს დღეებში წარსდგება, ამ პარასკევს “სან სიროზე” იტალიასთან, ხოლო სამშაბათს “უემბლიზე” ინგლისთან ამხანაგურ მატჩებში.
