პორტლენდში დასრულებულ გრან-პრის სერიის მეორე ეტაპზე ქართველმა ელენე გედევანიშვილმა 139.36 ქულა მოაგროვა და 12 მონაწილეს შორის მე-7 ადგილი დაიკავა.
“სკეიტ ამერიკას” მოკლე პროგრამაში ელენემ 45.27 ქულა მოაგროვა და მე-8 პოზიციაზე გახლდათ, თავისუფალი პროგრამისთვის კი 94.09 ქულა მიიღო და მე-7 საფეხურზე გადაინაცვლა.
ტურნირის გამარჯვებული იაპონელი კანაკო მურაკამი (164.93) გახდა, რომელმაც ამერიკელ რეიჩელ ფლეტს (162.86) დაძაბულ ბრძოლაში აჯობა, ფიგურულ სრიალში ევროპის მრავალგზის ჩემპიონი იტალიელი კაროლინა კოსტნერი კი, რომელიც მოკლე პროგრამის შემდეგ ლიდერი გახლდათ, საბოლოოდ, 154.87 ქულით მე-3 პოზიციაზე დარჩა.