22 და 23 მარტს, აშშ-ს ვერმონტის შტატის ქალაქ სტრატონში გამართულ საერთაშორისო შეჯიბრებაში, გიგანტურ სლალომში, 18 წლის ქართველმა სამთომოთხილამურე დიმიტრი გედევანიშვილმა ორი ოქროს მედალი მოიპოვა. აღსანიშნავია, რომ დიმიტრისთვის, რომელიც ელენე გედევანიშვილის ძმაა, ეს FIS-ის ეგიდით გამართულ ტურნირებზე მოპოვებული პირველი ჯილდოებია. სტრატონში გამართულ შეჯიბრებაში, პირველ დღეს მონაწილეობას – 127, მეორე დღეს კი – 115 სპორტსმენი იღებდა.