35 წლის ჯენარო გატუზო, რომელიც გასულ სეზონში შვეიცარიის “სიონის” მოთამაშე-მწვრთნელი იყო, იტალიის “პალერმოს” მთავარ მწვრთნელად დანიშნეს.
სიცილიური კლუბის ოფიციალური ვებგვერდის ცნობით, გატუზომ კლუბთან ერთწლიანი კონტრაქტი გააფორმა, რომლის ამოწურვის შემდეგ, მხარეების შეთანხმების შემთხვევაში, ხელშეკრულება კიდევ 2 წლით გაგრძელდება.
“პალერმომ”, რომელიც მომავალ სეზონს სერია B-ში გაატარებს, “სიონისგან” გატუზოს კონტრაქტი გამოისყიდა, რომელიც 2014 წლამდე იყო გათვლილი.
სიცილიელთა ახალ თავკაცს 21 ივნისს სტადიონ “რენცო ბარბერაზე” წარადგენენ.
