ფიფას აგენტმა ფრანსუა გალიარდომ ჟურნალისტებს გაუმხილა, რომ “ბარსელონას” ერთ-ერთი ძირითადი ფეხბურთელი მომავალ კვირაში “რეალში” გადაბარგდება. გალიარდომ გვარი არ დააკონკრეტა, მაგრამ განაცხადა, რომ ეს მოთამაშე მსოფლიოს ხუთ საუკეთესოს შორისაა.
“ერთ კვირაში “ბარსელონას” ფეხბურთელს “რეალში” ვიხილავთ. მიზეზი ისაა, რომ ეს ადამიანი კატალონიურ კლუბში თავს კომფორტულად ვერ გრძნობს” – ციტირებს ფიფას აგენტის სიტყვებს ერთ-ერთი ესპანური გამოცემა Punto Pelota.
შეგახსენებთ, “ბარსელონას” მოთამაშეთაგან ამ ეტაპზე ყველაზე მეტად უკმაყოფილო მეკარე ვიქტორ ვალდესია, რომელიც კლუბთან კონტრაქტის გახანგრძლივებას აღარ აპირებს. სხვა ფეხბურთელებს კი ბოლო პერიოდში ხმამაღლა პროტესტი არ გამოუთქვამთ.
