იტალიური “მილანის” ვიცე-პრეზიდენტი ადრიანო გალიანი უარყოფს გავრცელებულ ინფორმაციას, რომლის თანახმადაც, მიმდინარე სეზონის ბოლოს, “როსონერის” მასიმილიანო ალეგრი დატოვებს.

“ალეგრის მომავალთან დაკავშირებით არ ვღელავ. ის ჩვენთან რჩება. მასიმილიანო გუნდის ყველა ფეხბურთელის ერთ მუშტად შეკვრას ახერხებს.” – აცხადებს ადრიანო გალიანი, რომელიც კომენტარს ბოლო დროს არცთუ შედეგიანად მოთამაშე ელ შაარავიზეც აკეთებს – “მას კრიზისი არ აქვს. უბრალოდ, თავდამსხმელის კარიერაში ზოგჯერ არის პერიოდები, როდესაც მეტოქის კარის აღება ჭირს.”