27 წლის თეიმურაზ ჯუღელმა იგივე გაგამარუმ ფუკუოკას ბაშოზე წარმატებული სტარტი აიღო. ნოემბრის სუპერტურნირის სასტარტო შერკინებაში ქართველმა გოლიათმა აღმოსავლეთის მე-13 მაეგაშირა იოშიკაძე ტავარას მიღმა ოშიდაშით გაიყვანა.
შეგახსენებთ, რომ კიუშიუ ბაშოს თავად გაგამარუც მე-13 მაეგაშირას ტიტულით შეხვდა და წოდებაში წინსვლისთვის დადებითი ბალანსის დაფიქსირება სჭირდება. მოდევნო შეხვედრაში ჯუღელის პირისპირ აღმოსავლეთის მე-14 მაეგაშირა კიოკუშუჰო დადგება, რომელსაც ქართველი ერთხელ უკვე დამარცხებული ჰყავს.
ნოემბრის სუპერტურნირის პირველ დღეს გამარჯვებები მიითვალეს იოკოძუნებმა – ჰაკუჰომ და ჰარუმაფუჯიმ და ოძეკებმა კისენოსატომ და კაკურიუმ, ასევე ოძეკების სტატუსით მოასპარეზე კოტოშოგიკუმ და კოტოოშუმ კი, შესაბამისად, პირველ მაეგაშირა ამინიშიკისთან და მე-2 მაეგაშირა ტოიონოშიმასთან წააგეს.
ნოემბრის ბაშოს პირველი დღის მიმოხილვა
