მაკუუჩის და ძურიოს დივიზიონებში რიცხული სუმოისტების ოფიციალური აწონვის შემდეგ, ყველაზე მძიმე რიკიშის სტატუსი 23 წლის ქართველმა თეიმურაზ ჯუღელმა იგივე გაგამარუმ შეინარჩუნა.
რეიტინგში აღმოსავლეთის მე-6 მაეგაშირას წოდებამდე აღზევებულმა გაგამარუმ ბოლო თვეების განმავლობაში წონაში ოდნავ დაიკლო (გასული აწონვა 31 აგვისტოს შედგა) და ახლა, 202 კგ-ს ნაცვლად 198 კგ-ს იწონის, თუმცა, ელიტარულ 70 სუმოისტს შორის კვლავაც ყველაზე მძიმედ რჩება.
მაკუუჩისა და ძურიოში მოასპარეზე რიკიშების საშუალო წონა 154.7 კგ-ია, ყველაზე მსუბუქი სეკიტორი მონღოლი სირონიურია, ხოლო იოკოძუნა ჰაკუჰო 153 კგ-ს იწონის.
აქვე შეგახსენებთ, რომ 2011 წლის პირველი სუპერტურნირი 9-23 იანვარს სუმოს მექად აღიარებულ ტოკიოს “რიოგოკუ კოკუგიკანში” გაიმართება.