მადრიდის “ატლეტიკოს” ნახევარმცველი გაბი, “ჩელსისთან” ჩემპიონთა ლიგაზე გასამართი მატჩის წინ, კომენტარს აკეთებს და აცხადებს, რომ მის გუნდს ტურნირის მოგება ყველაზე მეტად სურს.

“ვფიქრობ, ჩემპიონთა ლიგის მოგება სხვა დანარჩენ გუნდებზე მეტად გვინდა. ძნელი სათქმელია, ვართ თუ არა კონკურენტებზე ძლიერები, მაგრამ სურვილი მათზე დიდი გვაქვს. ამაში ეჭვი არ მეპარება. ისღა დაგვრჩენია ამისგან სარგებელი მივიღოთ.

“ატლეტიკო” და “ჩელსი” ერთმანეთს თამაშის სტილით გვანან. ასე რომ, ძალიან რთული დაპირისპირება გველის. აუცილებელია პირველი თამაში კარგად ჩავატაროთ. განმეორებითი მატჩის წინ ეს ძალიან მნიშვნელოვანია.

ჟოზე მოურინიო ბრწყინვალე ტაქტიკოსია და აქედან გამომდინარე, “ჩელსის” თავისი გეგმა ექნება. საჭიროა, მეტოქეს ჩვენი სტილი დავუპირისპიროთ.” – აცხადებს გაბი Marca-სთან საუბრისას.