საფრანგეთის ნაკრების მთავარმა მწვრთნელმა ვინსენ კოლემ იმ 12 კალათბურთელის ვინაობა დაასახელა, რომლებიც ესპანეთში დაგეგმილ 2014 წლის მსოფლიოს ჩემპიონატზე ითამაშებენ. Eუროსპორტ.ფრ-ის ცნობით, საბოლოო სია ასე გამოიყურება.

გამთამაშებლები: ანტუან დიაო (სტრასბური), ტომას უერტელი (ლაბორალ კუჩა, ესპანეთი).

მცველები: ნანდო დე კოლო (ცსკა, რუსეთი), ევან ფურნიე (ორლანდო, აშშ), ედვინ ჯეკსონი (ვილერბანი).

ფორვარდები: ნიკოლა ბატუმი (პორტლენდი, აშშ), ბორის დიაო (სან ანტონიო, აშშ), მიკაელ ჟელაბალი (თავისუფალი აგენტი).

ცენტრები: რუდი გობერი (იუტა, აშშ), ჟოფრე ლოვერნი (ხიმკი, რუსეთი), იან მაინმი (ინდიანა, აშშ), ფლორან პიეტრუსი (ნანსი).

როგორც ხედავთ, ფრანგებს ძალიან ძლიერი შემადგენლობა ჰყავთ და ეს, მიუხედავად იმისა, რომ ნბა-დან კიდევ სამი ჩინებული კალათბურთელი აკლიათ: გამთამაშებელი ტონი პარკერი (სან ანტონიო), ფორვარდი კევინ სერაფინი (ვაშინგტონი) და ცენტრი ალექსის აჟინკა (ნიუ ორლეანი).

მომავალი მსოფლიო პირველობა 30 აგვისტოდან 14 სექტემბრამდე პერიოდში ჩატარდება, საფრანგეთის ნაკრები კი ჯგუფში ბრაზილიას, ეგვიპტეს, ირანს, სერბეთს და ესპანეთს ეთამაშება.