რუსთავში გამარჯვების შემდეგ, ალბათ არავის ეპარებოდა ეჭვი, რომ შემდგომ ეტაპზე “მეტალურგი” გავიდოდა. ასეც მოხდა. თუმცა, თავიდან მასპინძელთათვის ყველაფერი კარგად დაიწყო, მე-19 წუთზე ომარ გოგონაიამ პენალტი გაიტანა და ზღვისპირელებს ერთი გოლიღა სჭირდებოდათ საერთო ანგარიშის გასათანაბრებლად. მერე კი, ვინ იცის,…მაგრამ მოვლენები სხვაგვარად განვითარდა, პირველი ლიგის “ა” ზონის ლიდერმა ვერ შეძლო უმაღლესლიგელის გატეხვა. რუსთაველებმა უფრო მაღალი ოსტატობის წყალობით მოახერხეს თამაშის “მოტრიალება.” პირველივე ტაიმში გაუტანეს ფოთელებს 2 საპასუხო ბურთი და მეორე ნახევარს, ფაქტობრივად, აზრი დაუკარგეს.

Qქვეყნის თასის გათამაშების მეოთხედფინალში “მეტალურგი” ითამაშებს.

საქართველოს თასის გათამაშების საპასუხო მერვედფინალური მატჩი

კოლხეთი (ფოთი) – მეტალურგი (რუსთავი) 1:3 (1:2)

პირველი მატჩი – 0:2

30 ოქტომბერი. ფოთი. “ფაზისი.”

კოლხეთი: მაღრაძე, კილასონია, კრასოვსკი, ჩადუნელი, ლორია, ბარამიძე, გოგონაია (გაბუნია 68), გულუა (სიჭინავა 46), ჯანელიძე, ქორჩილავა, კუკავა (სარსანია 37)

მწვრთნელი: ზაზა ინიაშვილი

მეტალურგი: სეფიაშვილი (შერმადინი 75), მახვილაძე, დობროვოლსკი, ვასაძე, ტუღუში, სიხარულიძე, სუხიაშვილი, საჯაია, ჯაფარიძე, გავაშელიშვილი (მაისაშვილი 46), კირკიტაძე (ბერიაშვილი 68)

მწვრთნელი: გელა სანაია

გოლები: 1:0 გოგონაია (პენ, 19), 1:1 კირკიტაძე (31), 1:2 სიხარულიძე (36), 1:3 ბერიაშვილი (73)

მსაჯი: გ. კიკაჩეიშვილი