გიორგი ფოფხაძეს დებიუტი ჰქონდა პოლონური "იაგელონიას" შემადგენლობაში: მან ბოლო 10 წუთი ითამაშა გდანსკის "ლეხიასთან" გასვლაზე. "იაგელონიამ", რომელსაც ორ მატჩში 6 ქულა ჰქონდა, ამჯერად 0:2 წააგო.

გეცოდინებათ, ფოფხაძემ რამდენიმე დღის წინათ გააფორმა კონტრაქტი "იაგელონიასთან", სადაც ნიკა ძალამიძეც ირიცხება, თუმცა ახალგაზრდა ქართველი ტრავმირებულია და სავარაუდოდ, თვის ბოლო დაიწყებს სრული დატვირთვით ვარჯიშს.

აქვე ვთქვათ, რომ ფოფხაძე "იაგელონიაში" 7-ნომრიანი მაისურით თამაშობს.

უკრაინის დუბლების ჩემპიონატში "ზორიამ" 1:0 სძლია "მეტალისტს" და ეს ერთადერთი გოლი ქართველმა გიული მანჯგალაძემ გაიტანა 23-ე წუთზე. მანჯგალაძემ ეს შეხვედრა სრულად ჩაატარა. ეს მეოთხე ტურის მატჩი იყო და'"ზორიამ" პირველი გამარჯვება მიითვალა.

ცნობისთვის, “ზორიას" დუბლებმა გასულ სეზონში უკრაინის ჩემპიონობა მოიპოვეს. საერთოდ, მანჯგალაძე ძირითად გუნდში ვარჯიშობს, თუმცა თამაში დუბლებში უწევს.