ფლორენციის “ფიორენტინა” “მანჩესტერ იუნაიტედის” მცველის – ნემანია ვიდიჩის შეძენით დაინტერესდა. ამის შესახებ იტალიური პრესა იუწყება.
“წითელი ეშმაკების” კაპიტანს კლუბთან კონტრაქტი ზაფხულში ეწურება და არაა გამორიცხული, ინგლისელებმა მისი გაყიდვა იანვარში გადაწყვიტონ. წინააღმდეგ შემთხვევაში, 32 წლის სერბი ივნისიდან თავისუფალი აგენტი იქნება და ახალ კლუბს უპრობლემოდ მოძებნის.
ცნობისათვის, ვიდიჩმა მიმდინარე სეზონში მანჩესტერელთა ღირსება 13 მატჩში დაიცვა.
