ლევერკუზენის “ბაიერის” სპორტული დირექტორი რუდი ფიოლერი ჩემპიონთა ლიგის პირველ მერვედფინალურ მატჩში “პარი სენ-ჟერმენთან” განცდილმა მარცხმა (0:4) ისე აღაშფოთა, თამაშის შეფასებისას გაკეთებული კომენტარი მხოლოდ თავისი კლუბის კრიტიკას დაუთმო.
“წაგება რა თქმა უნდა კატასტროფა არაა, მაგრამ თამაშის ხარისხი ნამდვილად ამაზრზენი იყო. ფეხბურთელები დათრგუნულები ჩანდნენ, საშინლად თამაშობდნენ და მიხარია, რომ 4 გოლზე მეტი არ გავუშვით” – განაცხადა რუდი ფიოლერმა.
