ფიფამ, “პორტუს” 26 წლის საყრდენ ნახევარმცველ ფერნანდუს პორტუგალიის ეროვნული ნაკრების სახელით თამაშის უფლება არ მისცა. 2007 წლის მსოფლიოს ახალგაზრდულ ჩემპიონატზე ფეხბურთელმა ბრაზილიის სახელით ითამაშა და სწორედ ეს გახდა უარის მიზეზი. ფიფას ოფიციალური ვებ-გვერდის ცნობით, ფერნანდუ პორტუგალიის მოქალაქე 2013 წლის დეკემბერში გახდა, რაც ნაკრების გამოსაცვლელად საკმარისი დრო არაა.

მიმდინარე სეზონში ფერნანდუმ პორტუგალიის ჩემპიონატში 24 თამაში ჩაატარა და შედეგიანობით თავი არ გამოუჩენია.