ლონდონის "ჩელსის" ესპანელი თავდამსხმელი, ფერნანდო ტორესი ფიქრობს, რომ კამერუნელი ფეხბურთელი სამუელ ეტო’ო მსოფლიოში ერთ-ერთი საუკეთესო თავდამსხმელია.

შაბათს, ლივერპულში "ევერტონის" წინააღმდეგ წაგებულ მატჩში (1:0), ძირითად შემადგენლობაში თამაში ტორესის ნაცვლად ეტო’ომ დაიწყო.

"კლუბში უკვე დიდი კონკურენციაა ბას, სამუელსა და ჩემ შორის, თუმცა ჩვენ მტრები კი არა მეგობრები ვართ. თანაგუნდელები გახლავართ და ერთი მიზანი გვაქვს: ძირითადში ადგილი დავიკავოთ. ვფიქრობ, ასეთი კონკურენცია გუნდს წაადგება" _ განუცხადა თჰე თელეგრაპჰ-ს ესპანელმა და იქვე დასძინა: "ეტო’ო ერთ-ერთი საუკეთესო თავდამსხმელია, ვინც კი მინახავს. ერთმანეთის წინააღმდეგ ბევრჯერ გვითამაშია, როგორც ესპანეთში, ასევე მისი "ინტერში" ყოფნის დროს".

შეგახსენებთ, რომ ეტო’ო ამ ზაფხულს "ჩელსის" თავისუფალი აგენტის სტატუსით შეუერთდა, ტორესი კი ლონდონურმა კლუბმა "ლივერპულისგან" 50 მილიონ გირვანქა სტერლინგად შეიძინა.

გიორგი ბალახაძე