“მანჩესტერ იუნაიტედის” მცველმა რიო ფერდინანდმა ერთ-ერთ ბრიტანულ გამოცემას უთხრა, რომ შეიძლება ზაფხულში საფეხბურთო კარიერა დაასრულოს და მუშაობა ტელევიზიაში გააგრძელოს.
“ალბათ წერტილს დავსვამ, მაგრამ ფეხბურთს მაინც არ ჩამოვშორდები. უკვე მოველაპარაკე სატელევიზიო არხ BT Sports-ს, სადაც ტელეწამყვანად ვიმუშავებ” – განაცხადა 35 წლის ფეხბურთელმა.
“მანჩესტერ იუნაიტედსა” და რიო ფერდინანდს შორის გაფორმებულ კონტრაქტს ვადა ზაფხულში ეწურება. მიმდინარე სეზონში მცველმა პრემიერლიგაში 11 მატჩი ჩაატარა.
