როჯერ ფედერერს უიმბლდონი შვიდჯერ მოუგია და დღეს მეშვიდედ ჰალეს ტურნირის გამარჯვებულიც გახდა. აღმოსავლეთგერმანული ქალაქის წლევანდელი საჩოგბურთო შეჯიბრების საპრიზო თანხა 711010 ევრო გახლდათ, ფინალში კი 32 წლის შვეიცარიელმა კოლუმბიელ ალეხანდრო ფალიას 7:6, 7:6 მოუგო.

რეიტინგსიის მეოთხე ნომერმა ფედერერმა კლასიფიკაციაში 69-ე ადგილზე მყოფ 30 წლის კოლუმბიელს 2 ტაიბრეიკით, საათნახევარში სძლია. როჯერის აქტივში 5 ეისია, ფალიასთან ურთიერთშეხვედრების ანგარიში კი შვეიცარიელმა 7:0 გახადა.

ჰალეში გაჩემპიონების შედეგად ფედერერმა საჩოგბურთო კარიერის განმავლობაში 79-ე ტურნირი მოიგო, საპრიზო თანხის სახით 128860 ევრო და 250 სარეიტინგო ქულა დაიმსახურა.