ქართველი ოქსანა კალაშნიკოვას და პოლონელი კატარჟინა პიტერის წყვილი საფრანგეთის ღია პირველობას მე-2 რაუნდში გამოეთიშა.

”როლან გაროსის” 1/16-ფინალში ოქსანამ და კატარჟინამ მე-4 ნომრად განთესილ ჩეხ კვეტა პეშკეს და სლოვენიელ კატარინა სრებოტნიკს ღირსეული წინააღმდეგობა გაუწიეს, თუმცა, 6:7 (2:7), 4:6 დამარცხდნენ.

მატჩი საათსა და 42 წუთს გაგრძელდა და აღსანიშნავია, რომ ქართულ პოლონურ დუეტს მეტი ბრეიკ-პოინტი (12 11-ს პირისპირ) ჰქონდა, თუმცა, გადამწყვეტ მომენტებში მეტოქეებმა უფრო ზუსტად ითამაშეს.

კალაშნიკოვამ და პიტერმა პარიზში 130-130 ქულა გამოიმუშავეს.