რადამელ ფალკაოს ქირურგის, ხოსე კარლოს ნორონიას განცხადებით, კოლუმბიის ეროვნული ნაკრების ლიდერს მსოფლიოს ჩემპიონატზე თამაშის 50%-იანი შანსი აქვს.
“მონაკოს” სამხრეთ ამერიკელმა თავდამსხმელმა, ცოტა ხნის წინათ, ჯვარედინა მყესები გაიწყვიტა. თავდაპირველი ინფორმაციით, 27 წლის ფეხბურთელის მსოფლიოს ჩემპიონატზე თამაში გამორიცხული იყო, მაგრამ ოპერაციის შემდეგ გაირკვა, რომ სიტუაცია უკეთესობისკენ შეიცვალა.
“ვფიქრობ, ფალკაოს მსოფლიოს ჩემპიონატზე თამაშის შანსი 50%-ს უდრის. უახლოესი 3 თვის განმავლობაში ფეხბურთელმა აღდგენითი კურსი უნდა გაიაროს და უფრო ზუსტი ინფორმაცია ამის შემდეგ გვექნება.” – აცხადებს ნორონია, რომელმაც ფალკაოს ოპერაცია ჩაუტარა.
