ზაზა ფაჩულიას ”მილუოკი ბაქსი” ბოლო კვირის განმავლობაში აღმოსავლეთ კონფერენციის ლიდერ “ინდიანა პეისერზს” მეორედ დაუპირისპირდა და ამჯერადაც დიდი ბრძოლა გაუმართა. მილუოკელებმა 22 თებერვალს შინ 100:110 წააგეს, დღეს დილით კი ინდიანაში მეტოქე კიდევ უფრო ანერვიულეს და მხოლოდ 5 ქულის სხვაობით – 96:101 დამარცხდნენ.

აღსანიშნავია, “ბანკერს ლაიფ ფილდჰაუზში” შეკრებილი 17 892 მაყურებლის გასახარად, “პეისერზმა” პირველივე ტაიმში 17-ქულიანი უპირატესობა მოიპოვა, თუმცა, სტუმრებმა იმდენი მოახერხეს, რომ მე-3 მეოთხედში წინ 6 ქულით (60:54) იყვნენ.

“ინდიანას” 30 საშინაო მატჩიდან 27 მოგებული ჰქონდა და ცხადია, ლიგის აუტსაიდერთან მარცხი გუნდის გეგმებში არ შედიოდა. სწორედ ამიტომ, გადამწყვეტ ჟამს “პეისერზი” უფრო მობილიზებულად გაისარჯა და როი ჰიბერტის (24 ქულა, 12 მოხსნა), პოლ ჯორჯის (18 ქულა) და ლანს სტოვენსონის (18 ქულა) წინამძღოლობით, მორიგი გამარჯვება იზეიმა.

გასული შეხვედრა წარმატებული ნამდვილა არ ყოფილა ფაჩულიასთვის. ზაზა სასტარტო ხუთეულში კი გახლდათ, თუმცა, მოედანზე გატარებულ 25:39 წუთში 8-დან ერთადერთი ტყორცნა გამოიყენა და ორ ქულას 6 მოხსნა (5 მეტოქის ფარზე) და 2 პასი წაამატა. ისიც ვთქვათ, რომ ქართველმა ცენტრმა 2 პერსონალური ფოლი მიიღო.

მილუოკელთაგან ყველაზე შედეგიანები ბრენდონ ნაიტი (23 ქულა) და კრის მიდლტონი (22 ქულა) იყვნენ, თურქ ერსან ილიასოვას კი ორმაგ დუბლამდე 1 ქულა დააკლდა – 9 ქულა, 11 მოხსნა.

“ბაქსს” 11 მოგების წილ 46-ე მარცხი მოუგროვდა და როგორც ცენტრალურ დივიზიონში, ასევე მთელს აღმოსავლეთ კონფერენციაში ბოლო ადგილი უკავია.

ფაჩულიას კლუბი მომდევნო მატჩს 2 მარტის დილას შინ თორნიკე შენგელიას ყოფილ გუნდ “ბრუკლინ ნეთსთან” გამართავს. ისიც ვთქვათ, რომ 1 მარტს შენგელიას ამჟამინდელი კლუბი “ჩიკაგო ბულსი” დალასში “მავერიქსს” გაეჯიბრება. 

ინდიანა – მილუოკი 101:96 (30:15, 20:35, 23:16, 28:30)

ინდიანა: ჰიბერტი (24 ქ. 12 მ.), სტივენსონი (18 ქ.), ჯორჯი (18 ქ. 8 მ. 6 პ.), ჰილი (9 ქ.), უესტი (9 ქ.); უოტსონი (9 ქ.), ტერნერი (8 ქ.), სკოლა (4 ქ.), მაინმი (2 ქ.).

მილუოკი: ნაიტი (23 ქ.), მიდლტონი (22 ქ.), ილიასოვა (9 ქ. 11 მ.), უოლტერსი (4 ქ.), ფაჩულია (2 ქ.); მაიო (14 ქ.), სეშნსი (13 ქ.), ანტეკოუნმპო (5 ქ.), ედრიენი (4 ქ.), ჰენსონი.

ტორონტო – ვაშინგტონი 129:134 ოტ. (27:21, 27:36, 24:26, 28:23, 8:8, 4:4, 11:16)

ტორონტო: დეროზანი (34 ქ. 6 პ.), ლოური (18 ქ. 9 მ. 10 პ.), ჯონსონი (16 ქ. 9 მ.), როსი (11 ქ.), ვალანჩიუნასი (7 ქ. 10 მ.); ვასკესი (26 ქ. 8 პ.), სელმონსი (7 ქ.), პატერსონი (5 ქ.), ნოვაკი (3 ქ.), ჰენსბრო (2 ქ.), დე კოლო, ფილდსი, ჰეიესი.

ვაშინგტონი: უოლი (31 ქ. 9 პ.), გორტატი (31 ქ. 12 მ. 4 დ.), არიზა (16 ქ. 10 მ.), ბილი (11 ქ. 10 მ.), ბუკერი (5 ქ. 7 მ.); სინგლტონი (13 ქ. 9 მ.), მილერი (11 ქ.), ჰარინგტონი (8 ქ.), უებსტერი (7 ქ.), ტემპლი (1 ქ.).

მაიამი – ნიუ იორკი 108:82 (28:22, 27:28, 32:14, 21:18)

მაიამი: ჯეიმსი (31 ქ.), უეიდი (22 ქ.), ჩალმერსი (11 ქ.), ნოვაკი (8 ქ.), ბოში (6 ქ. 7 მ.); კოული (11 ქ.), ალენი (11 ქ.), ბიზლი (4 ქ.), ოდენი (3 ქ.), დუგლასი, ლუისი, ანდერსონი (7 მ.).

ნიუ იორკი: ენტონი (29 ქ. 7 მ.), ჩენდლერი (19 ქ. 16 მ.), ჯეი არ სმიტი (11 ქ.), ფელტონი (2 ქ.), პრიჯიონი; ჰარდუეი (6 ქ.), ბრაუნი (6 ქ.), სტაუდმაიერი (4 ქ.), მარი (2 ქ.), კლარკი (2 ქ.), ტაილერი (1 ქ.).

დენვერი – ბრუკლინი 89:112 (8:29, 28:30, 20:30, 33:23)

დენვერი: ფოი (15 ქ.), ფარიდი (14 ქ. 8 მ.), ბრუკსი (13 ქ.), მოზგოვი (9 ქ. 8 მ.), ფურნიე (8 ქ.); ჰიკსონი (14 ქ. 7 მ.), რენდოლფი (8 ქ. 7 მ.), მილერი (7 ქ.), ვესელი (1 ქ.).

ბრუკლინი: პირსი (18 ქ.), ჯონსონი (10 ქ.), უილიამსი (9 ქ.), ლივინგსტონი (8 ქ. 8 პ.), გარნეტი (4 ქ.); ტორნტონი (10 ქ.), პლამლი (10 ქ. 9 მ.), კირილენკო (9 ქ.), ბლატჩი (9 ქ. 9 მ.), ტიგი (8 ქ.), ტელეტოვიჩი (8 ქ.), ანდერსონი (6 ქ.), კოლინზი (3 ქ.).