ზაზა ფაჩულიას “მილუოკის” წარუმატებელ სერიას ბოლო არ უჩანს. საქართველოს ნაკრების კაპიტნის გუნდმა მიმდინარე სეზონში უკვე მე-15 მარცხი განიცადა და როგორც – ცენტრალურ დივიზიონში, ასევე მთელს აღმოსავლეთ კონფერენციაში უკანასკნელ ადგილზე რჩება.

“ბაქსს” მორიგი წარუმატებლობა შინაურ კედლებში “დეტროიტ პისტონზთან” შეემთხვა. ლარი დრიუს შეგირდები დიდ შესვენებაზე ხუთქულიანი უპირატესობით გავიდნენ, თუმცა, კატასტროფული მე-3 მეოთხედი (17:35) ჰქონდათ და მდგომარეობის გამოსწორება ვეღარ მოახერხეს – 98:105.

აღსანიშნავია, რომ მასპინძლები სტუმრებს მოხსნებში 43:55 ჩამორჩნენ და ამასთან “პისტონზმა” “ბაქსზე” ოცით მეტი (!) საჯარიმო სტყორცნა – 42:22.

ფაჩულია სათადარიგო გახლდათ და მოედანზე მხოლოდ 06:12 წუთი გაატარა. ვინაიდან მისი ტრავმის შესახებ არაფერს იტყობინებიან, იმედია, ეს მხოლოდ დრიუს გადაწყვეტილება გახლდათ და ზაზას მომდევნო შეხვედრებში ისევ მოედანზე ვიხილავთ.

დეტროიტელებთან თამაშისას კი ქართველმა ცენტრმა 2 საჯარიმო ჩააგდო, 2 ორქულიანი ააცილა და ორ ქულას 2 მოხსნა წაამატა. ზაზას პასივში 1 დაკარგვა და 1 პერსონალური ფოლი გახლდათ.

მილუოკელთა რიგებში საუკეთესო თურქი ერსან ილიასოვა გახლდათ 22 ქულით და 10 მოხსნით, დეტროიტელთაგან კი ორმაგი დუბლის შესრულება ორმა კალათბურთელმა მოახერხა: ანდრე დრამონდმა (24 ქულა, 19 მოხსნა) და გრეგ მონრომ (18 ქულა, 17 მოხსნა).

“ბაქსს” მორიგი მატჩი 6 დეკემბრის დილას ელის, როდესაც დედაქალაქში “ვაშინგტონ უიზარდსს” ესტუმრება, ხვალ დილით კი თორნიკე შენგელიას “ბრუკლინ ნეთსი” აღმოსავლეთ კონფერენციის კიდევ ერთ აუტსაიდერ “ნიუ იორკ ნიქსს” უმასპინძლებს.

მილუოკი – დეტროიტი 98:105 (19:26, 31:19, 17:35, 31:25)

მილუოკი: მიდლტონი (14 ქ.), ნაიტი (12 ქ.), ჰენსონი (12 ქ. 9 მ.), მაიო (7 ქ.), იუდო (3 ქ. 6 დ.); ილიასოვა (22 ქ. 10 მ.), რიდნური (10 ქ. 8 პ.), ნილი (8 ქ.), ადეტოკუმბო (6 ქ.), ფაჩულია (2 ქ.), რადულიცა (2 ქ.).

დეტროიტი: დრამონდი (24 ქ. 19 მ.), მონრო (18 ქ. 17 მ.), ჯენინგსი (17 ქ. 11 პ.), სმიტი (17 ქ.), კოლდუელ-პოუპი (8 ქ.); სინგლერი (15 ქ.), სტაკი (4 ქ.), იერებკო (2 ქ.), სივა, ჰარელსონი.

კლივლენდი – დენვერი 98:88 (31:24, 25:28, 23:21, 19:15)

კლივლენდი: ირვინგი (23 ქ.), ტომპსონი (17 ქ. 21 მ.), ბაინემი (14 ქ. 7 მ.), ჯი (7 ქ.), მაილზი; ვარეჟაო (18 ქ. 13 მ.), ჯეკი (6 ქ.), უეიტერსი (5 ქ. 6 პ.), ბენეტი (5 ქ.), კლარკი (3 ქ.).

დენვერი: ფოი (16 ქ.), ჰიკსონი (15 ქ. 11 პ.), ჩენდლერი (13 ქ. 8 მ.), ფარიდი (7 ქ.), ლოუსონი (4 ქ. 11 პ.); რობინსონი (14 ქ.), არტური (8 ქ. 8 მ.), მოზგოვი (8 ქ.), ჰემილტონი (3 ქ.), მილერი, ფურნიე.

ატლანტა – კლიპერსი 107:97 (29:21, 26:23, 24:26, 28:27)

ატლანტა: მილსეპი (25 ქ. 9 მ. 6 პ.), კორვერი (23 ქ.), ჰორფორდი (21 ქ. 9 მ.), კეროლი (12 ქ. 7 მ.), ტიგი (6 ქ. 6 პ.); მაკი (12 ქ.), უილიამსი (3 ქ.), მარტინი (3 ქ.), სკოტი (2 ქ.), ბრენდი.

კლიპერსი: გრიფინი (24 ქ. 7 მ.), პოლი (19 ქ. 11 პ.), გრინი (9 ქ.), დადლი (9 ქ.), ჯორდანი (6 ქ. 13 მ.); კოლისონი (13 ქ.), კროუფორდი (13 ქ.), მალინსი (2 ქ.), ჰოლინზი (2 ქ.), ბულოკი, ჯემისონი.

ნიუ ორლეანი – დალასი 97:100 (24:27, 29:25, 24:23, 20:25)

ნიუ ორლეანი: ჰოლიდეი (26 ქ. 9 პ.), ანდერსონი (18 ქ. 14 მ.), ამინუ (16 ქ. 20 მ.), გორდონი (15 ქ.), სმიტი (12 ქ. 9 მ.); ევანსი (8 ქ.), რობერტსი (2 ქ.). მოროუ, მილერი, ამუნდსონი.

დალასი: ნოვიცკი (21 ქ. 7 მ. 4 დ.), ელისი (14 ქ. 10 პ.), კალდერონი (12 ქ.), ბლეირი (12 ქ.), მერიონი (10 ქ.); კარტერი (15 ქ.), კრაუდერი (7 ქ.), დალემბერტი (6 ქ. 7 მ.), მეკელი (3 ქ.), ელინგტონი.

ჰიუსტონი – ფინიქსი 88:97 (20:25, 20:26, 21:22, 27:24)

ჰიუსტონი: ჰოვარდი (15 ქ. 18 მ.), ჰარდენი (14 ქ.), ბევერლი (12 ქ. 8 მ.), გარსია (8 ქ.), ჯონსი (8 ქ. 7 მ.); ბრუკსი (17 ქ. 6 პ.), კასპი (14 ქ. 7 მ.), მოტეიუნასი.

ფინიქსი: ბლედსოუ (20 ქ. 7 პ.), დრაგიჩი (19 ქ.), ტაკერი (18 ქ.), ფრაი (14 ქ.), პლამლი (4 ქ. 9 მ.); მარკიფ მორისი (8 ქ.), მარკუს მორისი (8 ქ.), გრინი (4 ქ.), გუდვინი (2 ქ.), კრავცოვი.

იუტა – ინდიანა 86:95 (23:17, 25:30, 19:21, 19:27)

იუტა: ფეივორსი (22 ქ. 13 მ.), კანტერი (20 ქ. 10 მ.), ბერკი (13 ქ. 9 პ.), ჰეივორდი (12 ქ. 6 პ.), ჯეფერსონი (4 ქ.); ბერკსი (11 ქ.), რაში (2 ქ.), ჰარისი (2 ქ.), გარეტი, ბიედრინში, გობერი.

ინდიანა: ჯორჯი (19 ქ.), სტივენსონი (15 ქ.), ჰიბერტი (13 ქ. 9 პ.), ჰილი (10 ქ.), უესტი (10 ქ. 8 პ.); სკოლა (14 ქ.), უოტსონი (8 ქ.), ჯონსონი (4 ქ.), მაინმი (2 ქ.).

პორტლენდი – ოკლაჰომა სიტი 111:104 (25:27, 23:32, 35:21, 28:24)

პორტლენდი: ოლდრიჯი (38 ქ. 13 მ.), ლილარდი (14 ქ. 6 პ.), ბატუმი (14 ქ.), მეტიუზი (13 ქ.), ლოპესი (12 ქ. 10 მ. 4 დ.); უილიამსი (7 ქ. 6 პ.), რაიტი (7 ქ.), რობინსონი (4 ქ.), ფრილენდი.

ოკლაჰომა სიტი: დიურანტი (33 ქ. 7 მ.), უესტბრუკი (21 ქ.), იბაკა (13 ქ. 10 მ.), სეფოლოშა (2 ქ.), პერკინსი; ჯეკსონი (12 ქ.), ლემბი (10 ქ.), ადამსი (5 ქ.), კოლისონი (4 ქ.), ფიშერი (2 ქ.), ჯონსი (2 ქ.).

მინესოტა – სან ანტონიო გადაიდო

მატჩი, რომელიც მეხიკო სიტიში უნდა გამართულიყო, დარბაზში შექმნილი პრობლემების გამო ჩაიშალა. მოკლე ჩართვის შედეგად მწყობრიდან გამოსულმა გენერატორმა არენის გაბოლვა გამოიწვია და გუნდებსაც დარბაზის დატოვება მოუწიათ.

აღმოსავლეთ კონფერენცია

დასავლეთ კონფერენცია