“სოსიედადთან” ესპანეთის პრიმერა დივიზიონის უკანასკნელ ტურში განცდილი მარცხის (1:3) შემდეგ, კატალონიის “ბარსელონას” თავს კრიტიკის ქარ-ცეცხლი დაატყდა. ჟურნალისტებმა “ბლაუგრანას” ლიდერი ლიონელ მესი განსაკუთრებით გააკრიტიკეს, არგენტინელის დაცვა კი, ნახევარმცველმა სესკ ფაბრეგასმა ითავა.

“თუკი ქვეყნად არსებობს ფეხბურთელი, რომელიც გუნდს თავისი მხრებით მიათრევს, ეს ლეო მესია. თუკი მისგან მეტს ითხოვენ, დანარჩენებისგან 3-ჯერ მეტი უნდა მოითხოვონ. მესი მსოფლიო ფეხბურთში ყველაზე სტაბილური ფეხბურთელია. ის თავს კარგად გრძნობს და კმაყოფილია.

ისიც, როგორც ყველა დანარჩენი, “სოსიედადთან” მარცხით იმედგაცრუებულია. წინ “ალმერიასთან” მატჩია და წარმატებას უნდა მივაღწიოთ. სეზონის ბოლომდე ორთვენახევარი დარჩა და 100%-ით უნდა დავიხარჯოთ”, - განუცხადა ფაბრეგასმა ესპანურ პრესას.