კრასნოდარის "ლოკომოტივ-ყუბანის" ბერძენი გამთამაშებელი ნიკ კალატესი, ევროთასის 2012-13 წლების სეზონის საუკეთესო მოთამაშე გახდა, - იტყობინება ტურნირის ოფიციალური საიტი.

კალატესის მონაგარი რეგულარულ გათამაშებაში 14,7 ქულა, 6,5 მოხსნა და 6,5 შედეგიანი გადაცემა გახლდათ, ხოლო ტოპ-16-ში, ნიკი საშუალოდ მატჩში 12,2 ქულას, 5,7 მოხსნას და 8 შედეგიან პასს აგროვებდა.

შეგახსენებთ, რომ ევროთასის გათამაშება შაბათს, ბელგიის ქალაქ შარლერუაში დასრულდება, ფინალურ მატჩში ერთმანეთს ესპანური "ბილბაო" და რუსული "ლოკომოტივ - ყუბანი" დაუპირისპირდებიან.