ძიუდოში 2014 წლის სეზონი ექსპერიმენტული ღონისძიებით იხსნება – ხვალ, რუსეთის ქალაქ ტიუმენში ერთმანეთს ევროპისა და აზიის ნაკრებები დაუპირისპირდებიან. მამაკაცებსა და ქალებში სიმბოლური შემადგენლობები ძიუდოს საერთაშორისო ფედერაციამ ჯერ კიდევ რამდენიმე კვირის წინ დაასახელა და მამაკაცთა ევროშვიდეულში საქართველოს ნაკრების სამი წევრი შეიყვანა: ავთანდილ ჭრიკიშვილი (81 კგ), ვარლამ ლიპარტელიანი (90 კგ) და ადამ ოქრუაშვილი (+100 კგ). ამ დღეებში კი შეჯიბრების მასპინძელთა საამებლად ოქრუაშვილი ალექსანდრ მიხაილინით ჩაანაცვლა, რომელიც ტიტულებით მართლაც ერთ-ერთი გამორჩეულია ევროპაში, მაგრამ მძიმეწონოსანთა ამჟამინდელ რეიტინგში მხოლოდ მე-20 ადგილს იკავებს და არათუ ბევრ ევროპელ ძიუდოისტს, ორ თანამემამულესაც ჩამორჩება.

მიხაილინის გარდა რუსეთის ნაკრებს მამაკაცთა ნაკრებში არსენ გალსტიანიც (60 კგ) ეყოლება, რომელიც უმსუბუქეს წონით კატეგორიაში მე-19 საფეხურზე დგას. ევროპულ განაცხადში ასევე მოხვდნენ უკრაინის სახელით მოჭიდავე გიორგი ზანთარაია (66 კგ) და ჰოლანდიელები: დექს ელმონი (73 კგ) და ჰენკ ხროლი (100 კგ).

რეგლამენტის თანახმად ევროპა და აზია ერთმანეთს ქალთა და მამაკაცთა შერეული გუნდებით დაუპირისპირდებიან. შესაბამისად, გამარჯვებული ორივე სქესის შვიდ-შვიდი წონის ჩაჭიდავების შემდეგ გამოვლინდება.

შეჯიბრების საპრიზო ფონდი 128 ათასი დოლარია და აქედან 100 ათასი მოგებულ ნაკრებს ერგება.

ევროპისა და აზიის სრულ შემადგენლობებს აქვე გთავაზობთ, სპორტსმენთა პირად რეიტინგებთან ერთად.

ევროპა

48 კგ – ალესია კუზნეცოვა (რუსეთი. 10)

60 კგ – არსენ გალსტიანი (რუსეთი. 19)

52 კგ – ანდრეა ჩიტუ (რუმინეთი. 5)

66 კგ – გიორგი ზანთარაია (უკრაინა. 10)

57 კგ – ტელმა მონტეირო (პორტუგალია. 9)

73 კგ – დექს ელმონი (ჰოლანდია. 5)

63 კგ – ანიჩქა ვან ემდენი (ჰოლანდია. 4)

81 კგ – ავთანდილ ჭრიკიშვილი (საქართველო. 1)

70 კგ – ლაურა ვარგას-კოხი (გერმანია. 3)

90 კგ – ვარლამ ლიპარტელიანი (საქართველო. 2)

78 კგ – აბიგელ იო (უნგრეთი. 2)

100 კგ – ჰენკ ხროლი (ჰოლანდია. 3)

+78 კგ – ლუსია პოლავდერი (სლოვენია. 4)

+100 კგ – ალექსანდრ მიხაილინი (რუსეთი. 20)

აზია

48 კგ – ურანცეცეგ მუნხბატი (მონღოლეთი. 2)

60 კგ – ნაოჰიშა ტაკატო (იაპონია. 1)

52 კგ – იუკი ჰაშიმოტო (იაპონია. 3)

66 კგ – აზამატ მუკანოვი (ყაზახეთი. 11)

57 კგ – სუმია დორიასურენი (მონღოლეთი. 4)

73 კგ – ჰაშბაატარ ცაგაანბაატარი (მონღოლეთი. 3)

63 კგ – კანა აბე (იაპონია. 3)

81 კგ – იახიო იმამოვი (უზბეკეთი. 4)

70 კგ – სეონგიონ კიმი (სამხრეთ კორეა. 5)

90 კგ – კიუ-ვონ ლი (სამხრეთ კორეა. 11)

78 კგ – გიონგ-მი ჟეონგი (სამხრეთ კორეა. 3)

100 კგ – სოიბ კურბონოვი (უზბეკეთი. 15)

+78 კგ – ჟუნგ იუნ ლი (სამხრეთ კორეა. 5)

+100 კგ – იური კრაკოვეცკი (ყირგიზეთი. 13)