დიდი ალბათობით, ლონდონის “ჩელსი” სამუელ ეტო’ოს ტრანსფერის შესახებ ოფიციალურ განცხადებას უახლოეს პერიოდში გააკეთებს. ოთხშაბათს, Daily Mail-ის ფოტოგრაფებმა ვეტერანი კამერუნელი ლონდონში შენიშნეს და ფოტოებიც მრავლად გადაუღეს.

პრესის წარმომადგენლებმა ეტო’ო “სენტ-პანკრასის” ავტოსადგურთან შენიშნეს, სადაც ფეხბურთელს პირადი ავტომობილი ელოდა. ჟურნალისტები ვარაუდობენ, რომ ეტო’ომ იმ ღამესვე გაიარა “ჩელსიში” სამედიცინო შემოწმება და კონტრაქტიც გააფორმა. დიდი ალბათობით, უახლოეს პერიოდში ლონდონელები სწორედ ამ ინფორმაციას დაადასტურებენ.

შეგახსენებთ, რომ “ჩელსიმ” მახაჩყალის “ანჟის” კიდევ ერთი ფეხბურთელი – ვილიანი გადაიბირა.