ევროპის ჩემპიონმა ესტერ სტამმა საქართველოს მოქალაქის პასპორტი აიღო. 70 კილოგრამ წონით კატეგორიაში მოჭიდავე ძიუდოისტი, რომელიც შარშან ჰოლანდიის ჩემპიონი გახდა, მომავალ საერთაშორისო ტურნირზე საქართველოს დროშის ქვეშ იჭიდავებს.

სტამმა საქართველოს ნაკრებში გამოსვლის სურვილი თავად გამოთქვა და მას შემდეგ, რაც ჰოლანდიის ძიუდოს ფედერაციისგან თანხმობა მიიღო, საქართველოს ძიუდოს ფედერაციას მიმართა. იურიდიული ფორმალობები სწრაფადვე მოგვარდა და საკითხისთვის წერტილის დასმას ქართული პასპორტიღა აკლდა, რომელიც ჰოლანდიელ ძიუდოისტს რამდენიმე საათის წინ გადაეცა.

ესტერ სტამი 1987 წელს დაიბადა. 2011 წელს მსოფლიოს უნივერსიადის ჩემპიონი გახდა. იქამდე კადეტთა შორის ორჯერ მოიპოვა ევროპირველობის ოქრო, ერთხელ კი 23-წლამდელებშიც ავიდა ევროპოდიუმის უმაღლეს საფეხურზე. მსოფლიოს თასებზე მოპოვებული აქვს 3 ოქროს და 7 ბრინჯაოს მედალი.