ესპანურმა გაზეთმა “მარკამ” “ბარსელონასა” და “ბაიერნის” მომავალ დაპირისპირებასთან დაკავშირებით გამოკითხვა ჩაატარა. მკითხველებს უნდა ეპასუხათ, რას ფიქრობენ კატალონიური კლუბის ყოფილი მთავარი მწვრთნელის, პეპ გვარდიოლას წინასათამაშო განწყობაზე. შეგახსენებთ, ეს სპეციალისტი მიმდინარე სეზონის დასრულებისთანავე “ბაიერნს” ჩაუდგება სათავეში.
7500 ადამიანის გამოკითხვის შედეგად გაირკვა, რომ უმრავლესობა დარწმუნებულია გვარდიოლას “ბარსელონასადმი” სიყვარულსა და ერთგულებაში. 86 პროცენტის აზრით, ბავარიელთა მომავალი დამრიგებელი თავის ყოფილ კლუბს დაუჭერს მხარს.
