კალათბურთი

1:44 | 1.09.2014 | ნანახია [] - ჯერ

ესპანელები არავის ინდობენ

მსოფლიო ჩემპიონატის მასპინძელი ესპანეთი ტურნირის სტარტზე ჩინებულ თამაშს აჩვენებს. ხუან ორენგას ბიჭებმა პირველ მატჩში ირანს 30 ქულით სძლიეს, მეორე თამაშში კი კიდევ უფრო შორს წავიდნენ და ეგვიპტე 91:54 გაანადგურეს.

მეტოქის უსუსურობიდან გამომდინარე, პირენეელთა თავკაცმა სათადარიგო კალათბურთელი საკმაოდ დატვირთა, თუმცა, შედეგიანობის მხრივ, მაინც “ძველი გვარდია” გამოირჩა.

სერჟ იბაკამ 18 ქულა და 8 მოხსნა მოაგროვა, რუდი ფერნანდესმა 14 ქულა ჩააგდო, პაუ გასოლმა კი – 12. ესპანელებმა აფრიკელებს მოხსნებში 47:32 სძლიეს, პასებში 22:5 აჯობეს, დაფარებებში კი – 6:1.

მსოფლიო ჩემპიონატი კალათბურთში. A ჯგუფი. გრანადა

ესპანეთი – ეგვიპტე 91:54 (26:10, 16:14, 22:13, 27:17)

0.10872