შვედი სპეციალისტი სვენ-იორან ერიქსონი მიიჩნევს, რომ ინგლისის ეროვნული ნაკრები მსოფლიოს 2014 წლის ჩემპიონატის ფავორიტი არაა. ინგლისელთა ყოფილი დამრიგებლის თქმით, როი ჰოჯსონს ზედმეტად ახალგაზრდული შემადგენლობა ჰყავს.
“არ მჯერა იმის, რომ ინგლისის ნაკრები ბრაზილიაში თასს აწევს. ვფიქრობ, ახალგაზრდა ინგლისელი ფეხბურთელებისთვის ასეთი ტიტული ნაადრევია. მათ გამოცდილება აკლიათ. ინგლისს ნიჭიერი თაობა ეზრდება, რომელიც, ალბათ, მსოფლიოს 2018 წლის ჩემპიონატის მოსაგებად იბრძოლებს.
საერთოდაც, ევროპულ ნაკრებებს ბრაზილიაში წარმატების მიღწევის ნაკლები შანსი აქვთ. სამხრეთ ამერიკაში თავისებური კლიმატია, რასაც ევროპელები არ არიან ჩვეულნი”, - განუცხადა ერიქსონმა ბრიტანელ ჟურნალისტებს.
