ამსტერდამის “აიაქსის” ნახევარმცველმა კრისტიან ერიქსენმა განაცხადა, რომ გერმანულ “დორტმუნდში” გადასასვლელად მზადაა. ამის შესახებ 21 წლის დანიელმა Algemeen Dagblad-ს განუცხადა.

“დორტმუნდი”? ურიგო ვარიანტი არაა. “აიაქსის” შემადგენლობაში, ამ გუნდის წინააღმდეგ 2-ჯერ ვითამაშე და ორივეჯერ წავაგეთ. “დორტმუნდში” კარიერის გაგრძელებაზე უარს არ ვიტყოდი. ჯერჯერობით, კონკრეტული წინადადებით გერმანელებს არ მოუმართავთ. თუკი უახლოეს პერიოდშიც არ შემომთავაზებენ კონტრაქტს, ხელშეკრულებას “აიაქსთან” გავახანგრძლივებ. მინდა, ამსტერდამელებმა ჩემში გარკვეული თანხა მიიღონ”, - გაანცხადა ნახევარმცველმა.

ცნობისათვის, ერიქსენს “აიაქსთან” კონტრაქტი 2014 წლის ზაფხულში ეწურება.