იტალიური “მილანის” თავდამსხმელი სტეფან ელ შაარავი აცხადებს, რომ გაგებით ეკიდება გუნდის მთავარი მწვრთნელის გადაწყვეტილებას, რომლის გამოც, “ნაპოლისთან” გამართულ მატჩში (1:1), ის სათადარიგოთა სკამზე დარჩა.

იმ დროს, როდესაც მარიო ბალოტელი გუნდს დისკვალიფიკაციის გამო ვერ ეხმარებოდა, მასიმილიანო ალეგრიმ გუნდის საუკეთესო ბომბარდირის, სტეფან ელ შაარავის სათადარიგოთა სკამზე დატოვება გადაწყვიტა. სერია A-ს მიმდინარე გათამაშების 30 მატჩში 16 გოლის გამტან ფეხბურთელს, ალეგრიმ, რობინიო და ჯამპაოლო პაცინი ამჯობინა. ელ შაარავის თქმით, ის მწვრთნელზე ნაწყენი არაა.

“ეს მწვრთნელის გადაწყვეტილებაა, რომელსაც პატისვ ვცემ. მსგავს საკითხებს ყოველთვის გაგებით ვეკიდებოდი. ალეგრიმ ნდობა უკვე გამომიცხადა. ასე რომ, არანაირი პრობლემა არ არსებობს.” – აცხადებს ელ შაარავი.